عشان ذي ديلا وهبنا حياتنا
رغم اوضاعنا المابتسر
رغم اوجاعنا بنمشي نشوفم
رغم الالم الحنضل مر
شركا الوجع..المرض الساكن
فينا وفيهم ليهو عمر
عشان ذي ديل ننساها احزانا
لابنطنطن لابنصر
الجايين من الارياف
الهاجين والدنيا فقر
الجايين من الاطراف
والبيزح من صبحو فتر
شايل كرتو عشان يلقانا
اغبش وسخان جايي كدر
وجنب الباب جراه واحد
هوي يازول ياحاج هوي تر
وقرب يصدم ست الشاي
جنب الباب ساوالا كجر
وصوت شافع ود الورنيش
كان بضحك هاها ده هكر
واتلخبطت انا اسند مين
ياتو الكان موجوع اكتر
ست الشاي؟؟ود الورنيش؟
ولا الحاج الحالو خطر؟؟
نعال ياحاج ماجاتك حاجه
خفيفه ان شا الله المولي ستر
نعال ماجاتك حاجه ان شا الله
نعال ماكتفك داك انضر
سلامتك ياحاج الف سلامه
حاجه بسيطه قضاء وقدر
كنت بقول بس اي كلام
عشان مابسط ليهو الامر
وكان بي كم الجلابيه
بنشف عرقو الشارع حر
وجمب المدخل وقعت حقتو
وجعو سعوطو هناك انشر
خلاس خليه ياحاج خليهو
تسلم انت انكشح الشر
كان كل همو السبحه انقطعت
انشرت ذي عقد الدر
قلت اسندو عليه قربت
ماكان بيني وبينو شبر
وفي عينيه انا شفت حكايه
فلبي انا شح وفرفر فر
في عينيه كان صبح بغادر
شفت فجر في عيونو غدر
شفت شروق راحل مستعجل
شفت صباح الدنيا ودر
شفت الموت يركض في عيونو
ووقف الدم في عرقي خدر
كان في عيونو وباقي السبحه
تحس قصة نبي الله خدر
ااااااخ يازول خليهو يخش
زح يازول حليهو يمر
لو كان عندو قروش مابجيكا
لو كان عندو عليك مابمر
خليه يخش كان عندو بجينا
ولا بشوف في الدنيا عكر؟؟
لاكان ايد اتمدت دفرت
لاشماشي بقولو هكر
خليه يخش كان عندو بجينا
لو كان عندو الينا اضطر؟؟
خلي يخش مابنت لزينه
مامجبور والدنيا جبر
خليه يخش خليه يجينا
كلنا ذيو حياتنا قبر
خلي يخش متصبر بينا
نحنا كمان فايتنو صبر
شن في الايد غير سماعتنا
شن بتفيد روشته حبر؟؟
خليه يخش نتقسم الوجعه
نحنا الذيو صباحنا ودر
وشفت دموع في عيونو ترقرق
خلت دمعي انا كب مطر
وووب كان فتنا من الذي ديل
اريت ماكان قرونا سطر
وكان مالقونا احي لي ديل
كان مالقونا احي وووب كر
...عشان الحاج الوقعت حقتو
راجي هناك والدنيا فجر
خليناها حقوق ترجانا
عند المولي ثواب واجر
يومي نقيل يومي نبيت
يومي عرقنا يسيل ويخر
يومي نداوي يومي نعالج
يومي نشوفم وبدري نمر
نرسم في احلامنا احلامم
نحلم سوا بالبلد الحر
رغم اوضاعنا المابتسر
رغم اوجاعنا بنمشي نشوفم
رغم الالم الحنضل مر
شركا الوجع..المرض الساكن
فينا وفيهم ليهو عمر
عشان ذي ديل ننساها احزانا
لابنطنطن لابنصر
الجايين من الارياف
الهاجين والدنيا فقر
الجايين من الاطراف
والبيزح من صبحو فتر
شايل كرتو عشان يلقانا
اغبش وسخان جايي كدر
وجنب الباب جراه واحد
هوي يازول ياحاج هوي تر
وقرب يصدم ست الشاي
جنب الباب ساوالا كجر
وصوت شافع ود الورنيش
كان بضحك هاها ده هكر
واتلخبطت انا اسند مين
ياتو الكان موجوع اكتر
ست الشاي؟؟ود الورنيش؟
ولا الحاج الحالو خطر؟؟
نعال ياحاج ماجاتك حاجه
خفيفه ان شا الله المولي ستر
نعال ماجاتك حاجه ان شا الله
نعال ماكتفك داك انضر
سلامتك ياحاج الف سلامه
حاجه بسيطه قضاء وقدر
كنت بقول بس اي كلام
عشان مابسط ليهو الامر
وكان بي كم الجلابيه
بنشف عرقو الشارع حر
وجمب المدخل وقعت حقتو
وجعو سعوطو هناك انشر
خلاس خليه ياحاج خليهو
تسلم انت انكشح الشر
كان كل همو السبحه انقطعت
انشرت ذي عقد الدر
قلت اسندو عليه قربت
ماكان بيني وبينو شبر
وفي عينيه انا شفت حكايه
فلبي انا شح وفرفر فر
في عينيه كان صبح بغادر
شفت فجر في عيونو غدر
شفت شروق راحل مستعجل
شفت صباح الدنيا ودر
شفت الموت يركض في عيونو
ووقف الدم في عرقي خدر
كان في عيونو وباقي السبحه
تحس قصة نبي الله خدر
ااااااخ يازول خليهو يخش
زح يازول حليهو يمر
لو كان عندو قروش مابجيكا
لو كان عندو عليك مابمر
خليه يخش كان عندو بجينا
ولا بشوف في الدنيا عكر؟؟
لاكان ايد اتمدت دفرت
لاشماشي بقولو هكر
خليه يخش كان عندو بجينا
لو كان عندو الينا اضطر؟؟
خلي يخش مابنت لزينه
مامجبور والدنيا جبر
خليه يخش خليه يجينا
كلنا ذيو حياتنا قبر
خلي يخش متصبر بينا
نحنا كمان فايتنو صبر
شن في الايد غير سماعتنا
شن بتفيد روشته حبر؟؟
خليه يخش نتقسم الوجعه
نحنا الذيو صباحنا ودر
وشفت دموع في عيونو ترقرق
خلت دمعي انا كب مطر
وووب كان فتنا من الذي ديل
اريت ماكان قرونا سطر
وكان مالقونا احي لي ديل
كان مالقونا احي وووب كر
...عشان الحاج الوقعت حقتو
راجي هناك والدنيا فجر
خليناها حقوق ترجانا
عند المولي ثواب واجر
يومي نقيل يومي نبيت
يومي عرقنا يسيل ويخر
يومي نداوي يومي نعالج
يومي نشوفم وبدري نمر
نرسم في احلامنا احلامم
نحلم سوا بالبلد الحر