(1)
بيني ما بين سكتك
سفر السحاب
وجع المشاوير المضت
دمعات تنقط في الحروف
خطوات تحرّف في النقط
بنساكي وكتين أذكرك
واطراكي في اللحظة الغلط
بشتاق كتير تشتاقي لَي
بسرج خيال القالو ليك
وأبعد خيال القالو لي
وأنشر هيامي على الظلط
(2)
لمتين نعيش موت العدم
لمتين يفوت الفتنا فيك
لي مين أقول يا بت غناي
مسداري يا دوبو انظبط
(3)
أنا والحلم نكبر نطول
نشرق فرح نهطل فصول
سفر السحاب يرتاح تعب
ويتعب كتير بالارتياح
وكتين غناك يبدا الدموع
بضحك أنا وبضحك معاي
كل السحاب
(4)
بلقاكي
حت لو بينا امتدت سكك
والنور عن الدنيا اتمسك
أو قولي داخل قلبي شك
برضو المحطات احترام
سفر السحابات محترم
والضحكة ترياق الفصول
قولي الضحك فجأة انعدم
سهرك إشارات من ألم
سفرك بشارات من فهم
قهرك نخيلك بالوهم
(5)
مجلوبة في ضرع السكوت
مصلوبة في خشم البيوت
مشرورة حب
برجاكي في ساعة الوجع
تديني عين وتقومي كَب
الناس يحسوهو الطرب
مسمار هواك يندق
في الشدر المساهر
ويرحلن أحزانا تب
(6)
يا عالية زي طول الطريق
وهّاجة زي لصف الدهب
ساكنك جنون...
ساكناني ريد
ألقاكي يا بت بي أدب
بيناتنا أقرب من بعيد
بيناتنا أبعد من قريب
بيناتنا جب
أو قولي حب
مطر السحاب حلم الشقوق
دارك ملفحة باللهب
زارك صباح كان مبتسم
في صمتو موجات الصخب
تديني عين وتقومي كب
مسمار هواك
يندق في الشدر المساهر
ويرحلن أحزانا تب
الجمعة 24/1/1997
بيني ما بين سكتك
سفر السحاب
وجع المشاوير المضت
دمعات تنقط في الحروف
خطوات تحرّف في النقط
بنساكي وكتين أذكرك
واطراكي في اللحظة الغلط
بشتاق كتير تشتاقي لَي
بسرج خيال القالو ليك
وأبعد خيال القالو لي
وأنشر هيامي على الظلط
(2)
لمتين نعيش موت العدم
لمتين يفوت الفتنا فيك
لي مين أقول يا بت غناي
مسداري يا دوبو انظبط
(3)
أنا والحلم نكبر نطول
نشرق فرح نهطل فصول
سفر السحاب يرتاح تعب
ويتعب كتير بالارتياح
وكتين غناك يبدا الدموع
بضحك أنا وبضحك معاي
كل السحاب
(4)
بلقاكي
حت لو بينا امتدت سكك
والنور عن الدنيا اتمسك
أو قولي داخل قلبي شك
برضو المحطات احترام
سفر السحابات محترم
والضحكة ترياق الفصول
قولي الضحك فجأة انعدم
سهرك إشارات من ألم
سفرك بشارات من فهم
قهرك نخيلك بالوهم
(5)
مجلوبة في ضرع السكوت
مصلوبة في خشم البيوت
مشرورة حب
برجاكي في ساعة الوجع
تديني عين وتقومي كَب
الناس يحسوهو الطرب
مسمار هواك يندق
في الشدر المساهر
ويرحلن أحزانا تب
(6)
يا عالية زي طول الطريق
وهّاجة زي لصف الدهب
ساكنك جنون...
ساكناني ريد
ألقاكي يا بت بي أدب
بيناتنا أقرب من بعيد
بيناتنا أبعد من قريب
بيناتنا جب
أو قولي حب
مطر السحاب حلم الشقوق
دارك ملفحة باللهب
زارك صباح كان مبتسم
في صمتو موجات الصخب
تديني عين وتقومي كب
مسمار هواك
يندق في الشدر المساهر
ويرحلن أحزانا تب
الجمعة 24/1/1997