سناء
هذه القصيده كتبتها قبل مايقارب عام ونصف كتبتها والغضب يعصف بكل خليه من خلاياي حيث كنت اطالع صحيفة الراي العام وقرات خبرا كانت بطلته شابه اسمهاسناء اول من اشتهرت في قضايا الانتقام بحامض الكبريتيك؟موية النار؟ولدهشتي لم تنقض نصف الساعه الا وجدت القصيده قد اكتملت كانما امضيت ساعات وساعات في تنسيقها وترتيبها ...اعتبرها اجمل واصدق كتاباتي علي الاطلاق
سناء وشك شعاع الضو
اذا ضو الحقيقه ابي
سناء وشك شعاعنا الضاع
وضل طريقو فات ماجا
شليلنا الراح علي القمرا
تحت ضل السما بنرجا
خطوط وشك بشارة الخير
للعاش عمرو كلو شقا
قصه وعبره للجايين
ولي اطفالنا يبقي حجا
شموخ اجيال بتحكي محال
شموس العزه فيك تاجا
شرف للعربي والزنجي
عرب رطانه نوبه بجه
طبول للعز نحاسا يرز
تصحي تهز تدق صاجا
اصالة شرقي لي غربي
شموخ من حلفا لي راجا
......
سناء ان ضعنا يوم في الضل
اذا ضعف النفوس ناجي
اذا ماتت خطاوينا
وعشعش فيها حل دجي
سناء ابقيلنا خيط الضو
ولي ليلاتنا هلي رجا
مدرسه فيها نتعلم
انو الدنيا حب ورضا
....
اقيفي وقولي للعالم
ولي الجايين وللماجا
انا الطوعت ليل القهر
انا القايده انا الرايده
انا البت الابت تنضام
ابت تنزلا في الضايقه
انا البت البقت عنوان
مجرتقه بالشموخ ذايداه
اقيفي وقولي للظالمين
خلاص بيكفي للحد
اقيفي وقولي للحايرات
نقيف للظلم نتحدا
الحريه ماها تجاره
يوم تنباع ويوم تصدا
الحريه تجي ايديه
مابنجيبو حق شحده
...
اقيفي وقولي للاجيال
اصلو قضيتي ماحرقه
نهائي قضيتي مالحامض
الانكبا في سرقه
طعم الحمض في حاساه
مما قمتا كت ضايقاه
طعم الحمض في ماساه
قصه فصولا ماشايقه
بس كتبوها اصلا لي
مفصله لي علي لايقه
اقيفي وقولي للتايهات
انا البت البقت ضجه
ولمن دقو فيها جرس
حرس ميلادا كان دق
وليل القهر لمن ساد
لاح نور نورا جاي فج
و\بقت انشوده للركبان
وللامجاد مشت فردا
...
ابقي قضيه ابقي وصيه
نطلع بيها بي فايده
امو الظلم مهما طال
مهما النار بقت قايده
مصيرو الظلم لظلمات
يعود لنحرهم كيدا
..
اقيفي وقولي للقاعدات
اقيفن وابقي تب قاعده
تقعدي يقيفن القاعدات
تقيف قاعده تقيف واعده
وتدي الرايه للبعدا
اقيفي الرايه ماتسقط
اقعدي اتنفسي الصعدا
اكيد الرايه مابتسقط
اذا مرفوعه ديمه كده
اكيد الرايه مابتسقط
اذا سنويه ليها فدا
اذا الجوانا فال وعديل
وطير الحب عليها شدا
اقيفي وكرمي الجواك
يانسانه ياماجده
اقيفي روحي عقلي فداك
وماتغيبي الدروب واحده
اقيفي وحرري القاعدات
مري علينا بالواحده
الحريه ذي ماقلنا
مابصلوها بالشحده
هاك ايدي انكسر قيدي
تعالي نكون كتف واحده
نخت الساس فدا الجابات
تعالي نغني للوحده
فدا الراحن وماعارفات
عقول منفتحه متحده
نرفع صوتنا بالمليان
يردد لينا الف صدي
ويفتح لينا الف مدي
نقول ديل يانا نحنا كده
وعلي كيفنا
وغلطان البكون هو بدا
هذه القصيده كتبتها قبل مايقارب عام ونصف كتبتها والغضب يعصف بكل خليه من خلاياي حيث كنت اطالع صحيفة الراي العام وقرات خبرا كانت بطلته شابه اسمهاسناء اول من اشتهرت في قضايا الانتقام بحامض الكبريتيك؟موية النار؟ولدهشتي لم تنقض نصف الساعه الا وجدت القصيده قد اكتملت كانما امضيت ساعات وساعات في تنسيقها وترتيبها ...اعتبرها اجمل واصدق كتاباتي علي الاطلاق
سناء وشك شعاع الضو
اذا ضو الحقيقه ابي
سناء وشك شعاعنا الضاع
وضل طريقو فات ماجا
شليلنا الراح علي القمرا
تحت ضل السما بنرجا
خطوط وشك بشارة الخير
للعاش عمرو كلو شقا
قصه وعبره للجايين
ولي اطفالنا يبقي حجا
شموخ اجيال بتحكي محال
شموس العزه فيك تاجا
شرف للعربي والزنجي
عرب رطانه نوبه بجه
طبول للعز نحاسا يرز
تصحي تهز تدق صاجا
اصالة شرقي لي غربي
شموخ من حلفا لي راجا
......
سناء ان ضعنا يوم في الضل
اذا ضعف النفوس ناجي
اذا ماتت خطاوينا
وعشعش فيها حل دجي
سناء ابقيلنا خيط الضو
ولي ليلاتنا هلي رجا
مدرسه فيها نتعلم
انو الدنيا حب ورضا
....
اقيفي وقولي للعالم
ولي الجايين وللماجا
انا الطوعت ليل القهر
انا القايده انا الرايده
انا البت الابت تنضام
ابت تنزلا في الضايقه
انا البت البقت عنوان
مجرتقه بالشموخ ذايداه
اقيفي وقولي للظالمين
خلاص بيكفي للحد
اقيفي وقولي للحايرات
نقيف للظلم نتحدا
الحريه ماها تجاره
يوم تنباع ويوم تصدا
الحريه تجي ايديه
مابنجيبو حق شحده
...
اقيفي وقولي للاجيال
اصلو قضيتي ماحرقه
نهائي قضيتي مالحامض
الانكبا في سرقه
طعم الحمض في حاساه
مما قمتا كت ضايقاه
طعم الحمض في ماساه
قصه فصولا ماشايقه
بس كتبوها اصلا لي
مفصله لي علي لايقه
اقيفي وقولي للتايهات
انا البت البقت ضجه
ولمن دقو فيها جرس
حرس ميلادا كان دق
وليل القهر لمن ساد
لاح نور نورا جاي فج
و\بقت انشوده للركبان
وللامجاد مشت فردا
...
ابقي قضيه ابقي وصيه
نطلع بيها بي فايده
امو الظلم مهما طال
مهما النار بقت قايده
مصيرو الظلم لظلمات
يعود لنحرهم كيدا
..
اقيفي وقولي للقاعدات
اقيفن وابقي تب قاعده
تقعدي يقيفن القاعدات
تقيف قاعده تقيف واعده
وتدي الرايه للبعدا
اقيفي الرايه ماتسقط
اقعدي اتنفسي الصعدا
اكيد الرايه مابتسقط
اذا مرفوعه ديمه كده
اكيد الرايه مابتسقط
اذا سنويه ليها فدا
اذا الجوانا فال وعديل
وطير الحب عليها شدا
اقيفي وكرمي الجواك
يانسانه ياماجده
اقيفي روحي عقلي فداك
وماتغيبي الدروب واحده
اقيفي وحرري القاعدات
مري علينا بالواحده
الحريه ذي ماقلنا
مابصلوها بالشحده
هاك ايدي انكسر قيدي
تعالي نكون كتف واحده
نخت الساس فدا الجابات
تعالي نغني للوحده
فدا الراحن وماعارفات
عقول منفتحه متحده
نرفع صوتنا بالمليان
يردد لينا الف صدي
ويفتح لينا الف مدي
نقول ديل يانا نحنا كده
وعلي كيفنا
وغلطان البكون هو بدا
