ساقني الزمن منك
فاتن خطاي الضو
وأنا كنت جاري وراك
شايفك مشمس كيف
شايل سماك القيف
شايفك تصارع كيف
لابس الليالي السود
في العتمة راضي تقيف
باب الفرح مسدود
حتى اللسان مرصود
في خشمي واقف عود
مالك نسيت الشوق
في سكة الشحتيف
في الفارغ المقدود
نور الفجر ملحوق
فيض البحر ممحوق
عارفك مشمس كيف
والناس هديلك جوك
قايلين دموعنا خريف
شايفين بريق سنك
داخرين ضياك للشوف
في الوادي لاحقنك
وأنا كنت كايس ليك
لا زلت كايس ليك
ساقني الزمن منك
الإثنين 30/6/1997
فاتن خطاي الضو
وأنا كنت جاري وراك
شايفك مشمس كيف
شايل سماك القيف
شايفك تصارع كيف
لابس الليالي السود
في العتمة راضي تقيف
باب الفرح مسدود
حتى اللسان مرصود
في خشمي واقف عود
مالك نسيت الشوق
في سكة الشحتيف
في الفارغ المقدود
نور الفجر ملحوق
فيض البحر ممحوق
عارفك مشمس كيف
والناس هديلك جوك
قايلين دموعنا خريف
شايفين بريق سنك
داخرين ضياك للشوف
في الوادي لاحقنك
وأنا كنت كايس ليك
لا زلت كايس ليك
ساقني الزمن منك
الإثنين 30/6/1997