تصعب معاك لغتي وتقيف
كل الحروف..
لو جات توصف دهشتي.
وبصعب كمان كل الكلام
لو قلتا اكتب قصتك
وعارف بدايتك قصتي
الناس تغير في الحروف
ترسم صور..
وتشبهك
انا مين بشبه فرحتي؟
لو قلتا ليك انتي القمر
خايف اضيّع وجهتك
وانا اصلي عارفك وجهتي
وعارف كمان انك ملاك
مخلوقة من بعضك براك
وانا بيكي خالق دنيتي
وفرحان اطرّز في النجوم
ارسم ملامح روحي بيك
واخترتا ريدك حرفتي
زي ايي شيئ ...
دسيت ملامحك في القلب
ومعاكي كبرت عرفتي
ياروعة السحر الحلال
لو قاسوا سحر الدنيا بيك
حـ تزيدي حتما روعتي
وتلبّسي الناس الفرح
يبقى الفراش هو البشبهك
والنيل ضفايرو تمشطي
وتوسدي الندى من شذاك
اصلك براك..
معجونة من طينة هواي
يا ستي طينك سكتي
ما اصلي متعود اجيك
زي كل يوم لابس حلم
بس خوفي نومي تشتتي
وانا اصلي ضايع من زمن..
حملت اراضي اللقيا بيك
بالله ضعفك حتحتي
يا ابقى كل السكة ليك
افرش مساحاتك عشق
او يبقى قلبك سكتي
عبدالله وداعه الامين
كل الحروف..
لو جات توصف دهشتي.
وبصعب كمان كل الكلام
لو قلتا اكتب قصتك
وعارف بدايتك قصتي
الناس تغير في الحروف
ترسم صور..
وتشبهك
انا مين بشبه فرحتي؟
لو قلتا ليك انتي القمر
خايف اضيّع وجهتك
وانا اصلي عارفك وجهتي
وعارف كمان انك ملاك
مخلوقة من بعضك براك
وانا بيكي خالق دنيتي
وفرحان اطرّز في النجوم
ارسم ملامح روحي بيك
واخترتا ريدك حرفتي
زي ايي شيئ ...
دسيت ملامحك في القلب
ومعاكي كبرت عرفتي
ياروعة السحر الحلال
لو قاسوا سحر الدنيا بيك
حـ تزيدي حتما روعتي
وتلبّسي الناس الفرح
يبقى الفراش هو البشبهك
والنيل ضفايرو تمشطي
وتوسدي الندى من شذاك
اصلك براك..
معجونة من طينة هواي
يا ستي طينك سكتي
ما اصلي متعود اجيك
زي كل يوم لابس حلم
بس خوفي نومي تشتتي
وانا اصلي ضايع من زمن..
حملت اراضي اللقيا بيك
بالله ضعفك حتحتي
يا ابقى كل السكة ليك
افرش مساحاتك عشق
او يبقى قلبك سكتي
عبدالله وداعه الامين
