بكتب ليك يا وطن
رسايلا
مكتوبة بي دمع الحرقة التنتف ..
فوق القليب وقاد جمر الفراق
شوقا يدافر فوق مراكب الشوق
متشابي لي زمنا مكتوب علي جبين القدر
متلفح بي نار البعاد
فارش لهيب الفرقة
المرسومة فوق جبين الزمن
يتاتي لي جرحو المنوسر
قابض الصبر
راجيه من وقتا كتر
قايلو بجيه بسراع
زي وقت السفر
الا الزمن حالف يودر عشمو
ويلمو فوق صرة غبار الحزن
يرميه في بيرا يغتس دربو
حت مايلقى السراب
حتى المسافات ابت السكون
وبتتباعد قدر مانقول الغريق مرق
الا ياتراب بلدي تاريني ما لايكة الصبر
عدل سابقا من قبل lamya في الإثنين 16 نوفمبر 2009 - 14:25 عدل 1 مرات