مادايرين كتابي الاول
قصة امل او قصة بدر
امل قرات وماكتبت
تقرا شنو يقراها القر
بدر كتب يكتب اوزارو
يعني خلاص الولد اشطر؟؟
امل غابت..امل ماجات
شوفو لي كان بدر حضر
خلو يجيب امل المغبونه
يسجلو قصتا في المحضر
امل ماعندها حق الحافله
لا في يوم قدرت تفطر
ومافرقت ان جات ان غابت
ماعندها حق الدفتر
...
هسي امل كان بتا واعيه
مابتتعولق وتستهتر
جامعة ايه وقراية ايه
شن اخرتا؟؟مافلس اكتر
يعني خلاص راجياها وظيفه؟؟
كرسي ومكتب وتتحكر؟؟
هوي يابت كان دار تشتغلي
شوفي ليكي اسم اشهر
اوعا تباري جماعتك ديل
الراكعين في خط الفقر
هوي يابدر الشاطر هوي
لسه بتكتب وتتشطر؟؟
شربت المقلب هسي خلاص
خاشي الطب دار تدكتر؟؟
اكتب تاني وارسم تاني
اقرا وتم الباقي سهر
هاك دي نتيجة تعبك وسهرك
العولاق الليله مهر
شفت احوال الخريجين
خرجت روحم في البندر
وعاد الوجعه القارين طب
وعاد الوجعه كمان اكبر
يوم يتوظفو لاماهيه
سته شهور مرات اكتر
سته شهور كان قلت بغم
امانه وحاتك تدردر
كل صباح تلبس تتزبط
مادكتور امشي اتمنظر
تمر السنه في السنه تحرس
ولا لو كان مليم احمر
لاتقدر تشحد اهلك
القروك بالعرق المر
لاتقدر تشتم ذي ديل
الفكوك ذي كلب الحر
ونص الليل يزورك خاطر
تغرق فيه تحرق تسهر
..........................
......صح ده حرام بس حلي شنو
صح ده حرام بس انا مضطر
ربنا رحمتو واسعه كبيره
مالو ا........ واستغفر
اه ياربي انا حلي شنو
انا مضطر يارب تغفر
وواحد يضيع..واحده تضيع
الله يقاتل الحوجه الفقر
هسع نصنا سايق امجاد
والباقين فاتو المهجر
وانا والله بعرف دكتور
زول ود ناس ماضيهو يسر
ورب الكعبه دي قصه حقيقي
من غبنو هسع بسكر
نقص ايمان؟؟ماهو في الاخر
زول بيحس مانحنا بشر
وجنس الشافو وابنشوفو
ماحاسين غير نحنا حشر
.....مما قمنا وغشونا
بنفتش في امل او بدر
لا لقينا المل الحارنو
لا ضلمتنا غشاها الفجر
لا قادرين نصلح دنيتنا
لا دنيتا تسيب الغدر
لا قادرين ترجع خطوتنا
لا هلت ليلات القدر
قصة امل او قصة بدر
امل قرات وماكتبت
تقرا شنو يقراها القر
بدر كتب يكتب اوزارو
يعني خلاص الولد اشطر؟؟
امل غابت..امل ماجات
شوفو لي كان بدر حضر
خلو يجيب امل المغبونه
يسجلو قصتا في المحضر
امل ماعندها حق الحافله
لا في يوم قدرت تفطر
ومافرقت ان جات ان غابت
ماعندها حق الدفتر
...
هسي امل كان بتا واعيه
مابتتعولق وتستهتر
جامعة ايه وقراية ايه
شن اخرتا؟؟مافلس اكتر
يعني خلاص راجياها وظيفه؟؟
كرسي ومكتب وتتحكر؟؟
هوي يابت كان دار تشتغلي
شوفي ليكي اسم اشهر
اوعا تباري جماعتك ديل
الراكعين في خط الفقر
هوي يابدر الشاطر هوي
لسه بتكتب وتتشطر؟؟
شربت المقلب هسي خلاص
خاشي الطب دار تدكتر؟؟
اكتب تاني وارسم تاني
اقرا وتم الباقي سهر
هاك دي نتيجة تعبك وسهرك
العولاق الليله مهر
شفت احوال الخريجين
خرجت روحم في البندر
وعاد الوجعه القارين طب
وعاد الوجعه كمان اكبر
يوم يتوظفو لاماهيه
سته شهور مرات اكتر
سته شهور كان قلت بغم
امانه وحاتك تدردر
كل صباح تلبس تتزبط
مادكتور امشي اتمنظر
تمر السنه في السنه تحرس
ولا لو كان مليم احمر
لاتقدر تشحد اهلك
القروك بالعرق المر
لاتقدر تشتم ذي ديل
الفكوك ذي كلب الحر
ونص الليل يزورك خاطر
تغرق فيه تحرق تسهر
..........................
......صح ده حرام بس حلي شنو
صح ده حرام بس انا مضطر
ربنا رحمتو واسعه كبيره
مالو ا........ واستغفر
اه ياربي انا حلي شنو
انا مضطر يارب تغفر
وواحد يضيع..واحده تضيع
الله يقاتل الحوجه الفقر
هسع نصنا سايق امجاد
والباقين فاتو المهجر
وانا والله بعرف دكتور
زول ود ناس ماضيهو يسر
ورب الكعبه دي قصه حقيقي
من غبنو هسع بسكر
نقص ايمان؟؟ماهو في الاخر
زول بيحس مانحنا بشر
وجنس الشافو وابنشوفو
ماحاسين غير نحنا حشر
.....مما قمنا وغشونا
بنفتش في امل او بدر
لا لقينا المل الحارنو
لا ضلمتنا غشاها الفجر
لا قادرين نصلح دنيتنا
لا دنيتا تسيب الغدر
لا قادرين ترجع خطوتنا
لا هلت ليلات القدر
