سافر مشي بكي الشوارع والمدن حرق الحشا ودع وفات نورنا انطفي وديارنا غرقن في الضلام مالكان منور مصطفي....ماجانا يوم نفخ الرماد نور بيوتنا الموحشه وماكبا في عروقنا الصبر ليه ماغشي.؟؟؟؟؟
ماشاف كهاربنا الرهاب...ماشاف امانينا الخراب ماشاف قمرنا البي النهار خوزق شمسنا البي المسا وماشاف وجع فينا اتكي وشفعنا نامو بلا عشا ... وليه ماغشي؟؟؟؟.مره زورنا شوف امورنا تبن جروحنا والمسا .....حتي الشدر بسال عليك قال جايي ليك كلمنا يازول بالزمن شان الشدر يقدر يحت زيف الصفق عنو ويجيك....كل الفصول مشتاقه ليك كايساك تجيك كلمني يازول انا اصلي منك زول بريدك وبشتهيك وبراي بجيك ومعاي حماعتك يوم نجيك...كان مت بنفخ فيني من روحك نفس حرم بجيك.....
وواوجعة الزول البريدك لامن يتسرب صباحك بين اصابعو وغفلة ايدك لامن تنكشح مويتك قبال تبلل ريقك...لامن تكوس فجرا ضوا يكحل عيدك في الضلمه حسك يروح قبال تقولو قصيدك تلقي الهم سرح تلقي الضلام بقي سيدك.....وواوجعة الزول البريدك وحسرتو لما الوجع يسكن حروفنا ودمعتو لامن يفوت زولا حنين جوه القلوب كل المساكين ختتو لامن يفوت قبال تخدر زرعتوو لامن يفوت بي حسرتوو ووواوجعتو
وواوجعتو الودعنا فات خلي البلد مهموم محموم يجابد في السكات جاتنا البلد تبكي وتقشقش عبرتا ماخلاص هو مات....
كان البطمبر فوقا كان الببل شوك شوقا كان من توبا كان ود حوبه كان البصبر حالا لما العتمه تغشاها وتنشف ريقا هسع فات خلي البلد مريوقه لابتفرز نهار لا ليل لا بتعرف غروبا شروقا ماطيرا الرحل خلاها بي دمعة حزن مشروقه
واحسرة غناها الفات ووواحسرتنا لاضليله من حر الهجير ضلتنا ماغلت علينا في يوم ولا في يوم عليه غلتنا بس كان البقول الحق....بس كان البقول الحق لما السوس رمانا بهتنا...ينخر في عضامنا الدم لما بكينا من غير صوت ولما وسطنا زول همهم جانا كلب عيونو حمر بحلق في الوريد شمشم وشلنا الهم......ولما قضي لولح ضنبو برم شنبو كلم شعرو قال لي شعرو ديل ياهم ياهم هم جماعة الزول وماردينا ماتكلمنا مالقينالنا جعليا يقوم ينضم وينضم ليه؟؟؟؟نضم فوق كم؟؟؟؟سكوتنا اتعرش الجايات وفوقنا انجم....سكوتنا الكب في فتحات مسامنا السم...وكان يوماتي بسحب من عروقنا الدم بلا ننضم....وووو...... ....
ماشاف كهاربنا الرهاب...ماشاف امانينا الخراب ماشاف قمرنا البي النهار خوزق شمسنا البي المسا وماشاف وجع فينا اتكي وشفعنا نامو بلا عشا ... وليه ماغشي؟؟؟؟.مره زورنا شوف امورنا تبن جروحنا والمسا .....حتي الشدر بسال عليك قال جايي ليك كلمنا يازول بالزمن شان الشدر يقدر يحت زيف الصفق عنو ويجيك....كل الفصول مشتاقه ليك كايساك تجيك كلمني يازول انا اصلي منك زول بريدك وبشتهيك وبراي بجيك ومعاي حماعتك يوم نجيك...كان مت بنفخ فيني من روحك نفس حرم بجيك.....
وواوجعة الزول البريدك لامن يتسرب صباحك بين اصابعو وغفلة ايدك لامن تنكشح مويتك قبال تبلل ريقك...لامن تكوس فجرا ضوا يكحل عيدك في الضلمه حسك يروح قبال تقولو قصيدك تلقي الهم سرح تلقي الضلام بقي سيدك.....وواوجعة الزول البريدك وحسرتو لما الوجع يسكن حروفنا ودمعتو لامن يفوت زولا حنين جوه القلوب كل المساكين ختتو لامن يفوت قبال تخدر زرعتوو لامن يفوت بي حسرتوو ووواوجعتو
وواوجعتو الودعنا فات خلي البلد مهموم محموم يجابد في السكات جاتنا البلد تبكي وتقشقش عبرتا ماخلاص هو مات....
كان البطمبر فوقا كان الببل شوك شوقا كان من توبا كان ود حوبه كان البصبر حالا لما العتمه تغشاها وتنشف ريقا هسع فات خلي البلد مريوقه لابتفرز نهار لا ليل لا بتعرف غروبا شروقا ماطيرا الرحل خلاها بي دمعة حزن مشروقه
واحسرة غناها الفات ووواحسرتنا لاضليله من حر الهجير ضلتنا ماغلت علينا في يوم ولا في يوم عليه غلتنا بس كان البقول الحق....بس كان البقول الحق لما السوس رمانا بهتنا...ينخر في عضامنا الدم لما بكينا من غير صوت ولما وسطنا زول همهم جانا كلب عيونو حمر بحلق في الوريد شمشم وشلنا الهم......ولما قضي لولح ضنبو برم شنبو كلم شعرو قال لي شعرو ديل ياهم ياهم هم جماعة الزول وماردينا ماتكلمنا مالقينالنا جعليا يقوم ينضم وينضم ليه؟؟؟؟نضم فوق كم؟؟؟؟سكوتنا اتعرش الجايات وفوقنا انجم....سكوتنا الكب في فتحات مسامنا السم...وكان يوماتي بسحب من عروقنا الدم بلا ننضم....وووو...... ....