إشتقت ليك قبال تتوه
خطواتي في موج الزحام
وسرحت فيك قبال أشوف
إيديك تلوًح بالسلام
وبقيتي ذي بدر التمام
وكتين يتاوق بين سحاب
وحرقت من ناري العلي
وشربت من كأس العذاب
وكتبت ليك كمين قصيد
ياقافية فيك ترتاح حروف
ياموجة في وش الضفاف
مشتاقة لي رمل الجروف
ساقتني ليك خطوات هواي
قبال تسوقك لي عينيك
ووصلنا للامل البعيد
لكنو ابعد مني ليك
وعرفت سر الريدة فيك
وكتين عيونك لي تقول
ياكا القبيل راجياو انا
واتمنى لوقلبك اطول
وإحترت في حظي العنيد
قبال اشوفك يامناي
وكتبت ليك اجمل كلام
ذينت بي اسمك غناي
ومشينا في مشوار غرام
مكتوب عليهو الحب صعب
لكن وصلنا وشفنا كيف
الراحة من بعد التعب
2/6/1999م، جامعة النيلين ،ك.تجارة قسم المحاسبة،المغيرة
خطواتي في موج الزحام
وسرحت فيك قبال أشوف
إيديك تلوًح بالسلام
وبقيتي ذي بدر التمام
وكتين يتاوق بين سحاب
وحرقت من ناري العلي
وشربت من كأس العذاب
وكتبت ليك كمين قصيد
ياقافية فيك ترتاح حروف
ياموجة في وش الضفاف
مشتاقة لي رمل الجروف
ساقتني ليك خطوات هواي
قبال تسوقك لي عينيك
ووصلنا للامل البعيد
لكنو ابعد مني ليك
وعرفت سر الريدة فيك
وكتين عيونك لي تقول
ياكا القبيل راجياو انا
واتمنى لوقلبك اطول
وإحترت في حظي العنيد
قبال اشوفك يامناي
وكتبت ليك اجمل كلام
ذينت بي اسمك غناي
ومشينا في مشوار غرام
مكتوب عليهو الحب صعب
لكن وصلنا وشفنا كيف
الراحة من بعد التعب
2/6/1999م، جامعة النيلين ،ك.تجارة قسم المحاسبة،المغيرة
