راحة المسافر

محمد ودتمبول كتب:

ياراحه فى الزمن المساف
يابسمه فى الوجه الحزين
لما يبسم من دواخلو
وينسى اتعاب السنين
وينسى همو وكل عذابو
مهماكان حجم الانين
لما يطراك فجاءه يضحك
ويرجع ايام الحنين
انتى اصلك واحه ليهو
وراحتو فى الزمن الحزين
*** *** *** ***
انتى ماراحة المسافر
وانتى مافرحة خواطر
وانتى ماعودة مهاجر
وانتى ماكل الحنين
*** *** *** ***
اصلو صورتك ياحياتى
مرسومه من عبق الكلام
وجايه فى زمن التحدى
ساجعه زى صوت الحمام
ضاويه فى كل الارض
منشوره زى كلمة سلام
مرفوعه رايه لكل تائه
راح كتير وسط الزحام
فجاءه شافك من بعيد
وكان بردد فى الكلام
*** *** *** ***
انتى ماراحة المسافر
وانتى مافرحة خواطر
وانتى ماعودة مهاجر
وانتى مااصلك سلام
*** *** *** ***
كتبت حبك فى الغناوى
وياما كم عشت العذاب
رسمت صورتك فى الارض
وكتبت اسمك فى السحاب
وصنعت من ريدك مراكب
وابحرت فى بحر الصعاب
رسيتا فى قيف الصبر
وارتحت فى الارض اليباب
يانى راجع ليك وحاتك
انتى اصلك لى مآب
*** *** *** ***
انتى ماراحة المسافر
وانتى مافرحة خواطر
وانتى ماعودة مهاجر
وانتى مازينة الشباب


محمد احمد على احمد (ودتمبول)