مشتهنك

رزاز الفرح كتب:مشتهنك / للشاعر حسين محى الدين
الغناوي الفيني منك مشتهنك
والخطاوي البيني بينك كايسة عنك
الهواجس في بعادك قالوا انك
رغم انك يا حبيبة قلبي انك
مستحيلة وقاسي حنك
بس لانك انت اية والنجوم ما بشبهنك
ولو يطولن كانوا جنك
يا بنية وحسن ظنك
أصلي منك وقلبي عندك
والشعر احساسو منك
مشتهنك...
الدروب الكنتٍ فيها بيحكوا عنك
المحطات والشوارع سائلة عنك
المقاطع لو يجنك كانوا قدرن يوصفنك
الأحاسيس النبيلة
والمسافات الطويلة
بتحكي عني وبرضو عنك
أني مغرم بيك وحدك
بس لانك
أنت أصلك مافي زيك
يا حبيبة وباهي حسنك
يا جميلة وراقي فنك
مشتهنك....
شوقي زايد لو أضمك
أو أغازل طيفك الجافاني زيك
أمسح احزاني وبكايا وأحضن الجايني منك
مشتهنك...
ياما بسأل كنت عنك
في الغناوي وفي الحكاوي
في السحابات العوالي
في الحنايا
وفي الجداول الفيها طيبتك
في النداوة الجاتني منك
مشتهنك.