الليله دايره اكتب
في قصة الناس ديل
الناس منم؟؟الناس
فاتحين في شارع النيل
خلو الاسم سالم
انا دايره اسم بديل
شان مايسجنوني
قالو السجن ده ثقيل
مرضونا ديل ياخي
وشبعنا في البهديل
شايلين حقوقنا عيان
حقاره اصلو عديل
ياربي حقنا بس
مظلوم دعاك بالليل
الظلم مر وصعب
حار شفنا منو الويل
شبعنا من نارو
فاض بينا طفح الكيل
وندمنا والله
انا غايتو باكيه عديل
سافه التراب ندما
كان فاعده للذي ديل
الناس حياتا جميله
الشغل ذاتو جميل
بس نحنا من دونم
مرقونا للبهديل
مرقونا للذله
هناك في شارع النيل
داخل علي حلفا
حلفا عظيم بالحيل
ماخلي شافعا لي
ينزلا جنب النيل
كان باع تسالي وفول
وفتحت ليهو سبيل
وانا غايتو ماقادره
كسر رباي السيل
لا دايره اشوف عيان
لا دايره اشفي عليل
ماتقولو لي الطب
انساني شغل نبيل
الطب ده ماساتنا
ضيعة شبابنا وجيل
ياريت اكان عارفين
كان شفنا لينا بديل
قبال سنينا تضيع
مانلقي لينا دليل
هسع خلاص ضاعت
للرجعه مافي سبيل
ماتغنو للشفع
كلامكم الضليل
تكبر تكون دكتور
تكبر تشيل الشيل
تكبر تكون دكتور
تكبر تعدل الميل
تكبر تكون دكتور
الوجعه ليهل تزيل
بكبر يكون دكتور
بس مابعدل الميل
بكبر يكون دكتور
بس لا بشيل لابزيل
بكبر يكون دكتور
تصرف عليه لا الليل
بكبر يكون دكتور
تكبر ريالتو تسيل
فليسقط الفقرا
كل الاطبا هديل
بنزلو يومي هناك
شاهد علينا النيل
وكرهنا ضل الفيل
كرهنا ذاتو النيل
ماشين مخلنو
طافشين نوينا رحيل
نلحق رفاقتنا
زميل يلاقي زميل
تسجنا غربتنا
نزيل يلاقي نزيل
والوجعه حفظتنا
كتيل ملاقي كتيل
شوفوها ازمتنا
دايرالا تاني فتيل؟؟
القصه واضحه عيان
مادايره احكي واطيل
والبحصل الله كريم
ان شا الله لي حلحيل
حليلا غربتنا
وحليلنا نحنا حليل
لا ربينا لي غربه
لاكبرنا للبهديل
لا كبرنا للوجعه
لا بقينا للحنضيل
سلام الي بلدا
في قلوبنا ديمه اصيل
سلام الي وجعا
منشري مليون ميل
في قصة الناس ديل
الناس منم؟؟الناس
فاتحين في شارع النيل
خلو الاسم سالم
انا دايره اسم بديل
شان مايسجنوني
قالو السجن ده ثقيل
مرضونا ديل ياخي
وشبعنا في البهديل
شايلين حقوقنا عيان
حقاره اصلو عديل
ياربي حقنا بس
مظلوم دعاك بالليل
الظلم مر وصعب
حار شفنا منو الويل
شبعنا من نارو
فاض بينا طفح الكيل
وندمنا والله
انا غايتو باكيه عديل
سافه التراب ندما
كان فاعده للذي ديل
الناس حياتا جميله
الشغل ذاتو جميل
بس نحنا من دونم
مرقونا للبهديل
مرقونا للذله
هناك في شارع النيل
داخل علي حلفا
حلفا عظيم بالحيل
ماخلي شافعا لي
ينزلا جنب النيل
كان باع تسالي وفول
وفتحت ليهو سبيل
وانا غايتو ماقادره
كسر رباي السيل
لا دايره اشوف عيان
لا دايره اشفي عليل
ماتقولو لي الطب
انساني شغل نبيل
الطب ده ماساتنا
ضيعة شبابنا وجيل
ياريت اكان عارفين
كان شفنا لينا بديل
قبال سنينا تضيع
مانلقي لينا دليل
هسع خلاص ضاعت
للرجعه مافي سبيل
ماتغنو للشفع
كلامكم الضليل
تكبر تكون دكتور
تكبر تشيل الشيل
تكبر تكون دكتور
تكبر تعدل الميل
تكبر تكون دكتور
الوجعه ليهل تزيل
بكبر يكون دكتور
بس مابعدل الميل
بكبر يكون دكتور
بس لا بشيل لابزيل
بكبر يكون دكتور
تصرف عليه لا الليل
بكبر يكون دكتور
تكبر ريالتو تسيل
فليسقط الفقرا
كل الاطبا هديل
بنزلو يومي هناك
شاهد علينا النيل
وكرهنا ضل الفيل
كرهنا ذاتو النيل
ماشين مخلنو
طافشين نوينا رحيل
نلحق رفاقتنا
زميل يلاقي زميل
تسجنا غربتنا
نزيل يلاقي نزيل
والوجعه حفظتنا
كتيل ملاقي كتيل
شوفوها ازمتنا
دايرالا تاني فتيل؟؟
القصه واضحه عيان
مادايره احكي واطيل
والبحصل الله كريم
ان شا الله لي حلحيل
حليلا غربتنا
وحليلنا نحنا حليل
لا ربينا لي غربه
لاكبرنا للبهديل
لا كبرنا للوجعه
لا بقينا للحنضيل
سلام الي بلدا
في قلوبنا ديمه اصيل
سلام الي وجعا
منشري مليون ميل
